المسابقات وكومة القش

sweetlove · 07-04-2008, 04:41 AM

مع كثرة المسابقات وين مارحنا نلقى مسابقة
في جميع القنوات الاعلامية وحتى الاسواق و المراكز التجارية
والي ننتظرة يجي بنقالي يسوي كوبونات مسابقة للبوفية حفتة او بقالتة
طبعا هالشئ صاير والي يدعمة جهود وزارة التجارة في النوم العميق وحتى الدعم المباشر في عدم مراقبة مثل هالمسابقات
الشئ الملفت ان مثل هذة المسابقات يكون لها مردود كبير للمستثمر بينما هذا المستثمر او التاجر يتجاهل حق المستهلك او المشتري في الجائزة
الكثر منا لايصدق بان بنقالي او سوداني فاز بجائزة سيارة فخمة لاتقل عن 100 الف ريال بينما هو الشخص الوحيد الاجنبي الذي شارك بالكوبون الخاص بة
يعني معقول من ضمن 9999 كوبون شراء يفوز الاجنبي الذي يملك الكوبون 1000
يعني احتمالية فوزة هي 0.0001% ومع ذالك يفوز
كمن يبحث عن ابرة وسط كومة قش
سبحان مقسم الارزاق هذا ليس اعتراض ولكن ليكن لدينا منطق
انا اتحدث عن جائزة بعشرات الالف
ولكن عندما تكون قيمة الجائزة تذكرة العاب ولا وجبة من ماك فالمواطن ولى فيها من الاجنبي لانها لاتكلف 100 ريال

بنتظار الردود و من مرت علية مثل هالتجربة

حلا المملكة

كبرياء امراءه · 07-04-2008, 05:03 AM

:::

::

:

هلا سويت ..

كل المسابقات والكوبونات تخب عليهم ..

اقولك قصه قريبه وواقع حصلت مع امي ..

طلعت لمركز معين بدون ذكر اسماء ..

اخذت كل اللي تبيه من الاغراض ..

وهي من النوع اللي ما يدور على هالخرابيط ..

قالت للسواق جيب لي كوبون وعبته وحطت جوال ابوي ..

بعد يومين والا اتصال على جوال الوالد بالعصريه وترمس القهوه والتمر

قاعدين عليه يرد الوالد ..

الو : رد عليه واحد وقاله

هذا جوال فلانه بنت فلان ..

قال نعم انا زوجها قاله مبرووك هي اربحت الجائزه الكبرى وياليت تحظر تستلمها ..

عاااد امي طارت من الفرحه وحددو المكان والزمان واخذت ابوي واخوي

طبعا استقبلهم رجل اعمال مادري ديكور رجل اعمال ..

وضيفهم وبعد كذا بداء يسرد جوائز امي لاحظ جوائز وهي كانت جائزه ..

منها تذاكر سفر لها وللمرافقين وعدد لها بعض المحلات اللي تستورد الماركات العالميه ..

وشقه في مكه والمدينه وغيرها كل هذا لمدة سنه .. نصب عيني عينك ..

امي يابعدي طايره فرحه طبعا سرد لها اسماء المتسابقين قبل الرائد الفلاني والعقيد الفلاني وووو ..

قال وش رايك قالت توكل على ربك ..

بعد هذا كله طلب بطاقة الصراف او الماستر كارد ..

ابوي طلعها من مخباته واشوا كانت بطاقة صراف مو الماستر ..

تخيل دخل رقم 30.000 وقال لابوي دخل الرقم السري ..

ويناظر ابوي في الرقم .. وقال وشوله السحب ..

رد عليه بكل " مانيب قايله "

عشان تسحب قيمة الهديه احنا عملنا لكم خصم حلو ..

يعني في الاول والاخير الهديه طلعنا مشترينها ..

قمة المسخره والتلاعب ..

انا بصراحه بعد هالحركه توبه منها كوبونات وخرابيط ..

تدرون ان هالحركه تبي تكره الناس في زيارتهم لانها مبنيه على الكذب والاستغلال ..

الله المستعان ..

سويت موضوع قيم وهادف والكل اكيد غامر والنتايج كانت واضحه ..

تحياتي لقلمك الرائع ..

كبرياء ..

:::

::

:

حلا المملكة

sweetlove · 07-04-2008, 05:36 AM

اوووف اكثر من كذا مسخرة ماشفت
و 30 الف بعد
سلامات

حلا المملكة

العيون العسليه · 07-04-2008, 10:01 PM

من جد مصخره ...!!

انا عن نفسي ابد ماصدق هالمسابقات ولاكوبونات
ولاعمرنا شاركنا فيها

شاكره لك سويت

حلا المملكة

alisq2 · 07-25-2008, 03:53 PM

nias idea thanks

حلا المملكة

فاشن النسائي	اللبوم حلا	المنتدى العلمي	منتدى فاشن	دليل المواقع	دليل الجامعات	2009
كلينيكس السعودية	مركز تحميل الصور	دليل المدونات	شات حلا	دليل الجرائد	دليل المدارس	توبيكات حلا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)